London – Li Londonê paytexta Brîtanyayê ji aliyê Centre for Kurdish Progress -CKP- çalakiyek ji bo rêzgirtina hûnermendê bi nav û deng ê Kurdistanê Şivan Perwer tê lidarxistin.
Li gorî daxuyaniya CKPyê wê mazûvaniya civîneka taybet bo muzîkjen, helbestvan û çalakvanê îkonîk ê Kurd Şivan Perwer bê kirin.
Hatiye eşkerekirin ku dê parlamenter, nûnerên civaka sivîl û endamên civaka Kurd ên li Brîtanyayê di vê bernameyê de li hev bicivin.
Şeva rêzgirtina hunermendê Şivan Perwer 2yê Hezîranê li Parlamentoya Brîtanyayê bê lidarxistin.
Damezrîner û Rêveberê CKPyê Îbrahîm Doguş li ser bernameya rêzgirtina Perwer ji Rûdawê re got,
“Em gelek serbilind in ku vê xelatê didin Şivan Perwer, kesayetiyekî efsanewî ku muzîk û peyamên wî ji bo gelek nifşên Kurd û dostên Kurdistanê li çar aliyê cîhanê belav bûye.
Dilsoziya Şivan a ji bo çand, zimanê Kurdî û têkoşîna ji bo edaletê bi rêya hunerê ne kêmî tiştekî bêhempa ye.
Ev çalakî ne tenê rêzgirtinek ji bo karen wî yên bênavber e lê di heman demê de ji bo rola wî ya daîmî wekî dengeke ji bo gelê Kurd û çirayeke hêviyê ye di demên dijwar de.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse