Li Hisîçayê teqîn: Zarok jî di nav de 6 kes mirin

Hewlêr (Rûdaw) - Li dikaneke li taxa Ezîziyê ya bajarê Hisîçayê ya Rojavayê Kurdistanê teqînek çêbû.

Di teqînê de zarok jî di nav de 6 kes mirin.

Li gorî agahiyên ku ANHAyê ji çavkaniyên herêmî, teqîn li Kolana El-Xezelê ya taxa Ezîziyê pêk hatiye.

Hat ragihandin ku teqîn li dikaneke xurdefiroşiyê ji ber mayîneke kevn çêbûye.

Mayîna kevn dema ku li dikanê bûye ji nişka ve teqiyaye.

6 kesên ji heman malbatê mirin

Çavkaniyên herêmî da zanîn ku her 6 kesên ku di teqînê de mirine endamên heman malbatê ne.

Hat diyarkirin ku di nav miriyan de zarok jî hene.

Her wiha kesek jî di bûyerê de birîndar bûye û ew ji bo tedawiyê rakirine nexweşxaneyê.

Piştî bûyerê Hêzên Ewlehiya Navxwe (Asayîş) çûn herêmê û tedbîrên ewlehiyê girtin.

Li ser hûrgiliyên bûyerê û sedema hebûna mayînê ya li dikanê lêpirsîn didome.

#VÎDEO - Li Hisîçayê 6 kes bi teqîna mayînekê mirin

💢 Li taxa Ezîziyê ya Hisîçayê li dukana xurdefiroşekî mayîneke kevn teqiya

💢 Di teqînê de ji heman malbatê 6 kes mirin û kesek jî birîndar bû pic.twitter.com/RM3GlU88dE

— RudawKurdi (@RudawKurdi) April 1, 2026

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger