Hewlêr (Rûdaw) - Li parêzgehên Erzerom û Qersê yên Bakurê Kurdistanê ji ber berfa zêde ya ku di çend heftiyên dawî de bariyaye hêj jî rêyên 26 gundan girtî ne.
Şarêdariya Erzeromê di daxuyaniyekê de ragihand ku li parêzgehê ji ber barîna berfa zêde ku di çend heftiyên dawî de bariyeye rêya 25 gund û gundikan heta niha jî girtî ne û got “Tîmên me di serî de navçeya Tekman û Xinisê di karûxebatên xwe yên paqijkirina rêyan de berdewam in.”
Li aliyê din hat ragihandin ku li Qersê jî rêya gundekê heta niha girtî ye.
Di demekê de ku li hinek parêzgehên Bakurê Kurdistanê biharê destpêkiriye, lê li hinek parêzgehan bi taybet parêzgehên Herêma Serhedê, îsal zivistan dirêj bûye û heta niha jî rêjeyeke zêde ya berfê li erdê heye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse