Hewlêr (Rûdaw) – Li Semsûra Bakurê Bakurê Kurdistanê teyroka ku libên wê bi qasî hêkan bûn bariya.
Li parêzgehên Semsûr, Qers û Amedê yên Bakurê Kurdistanê teyrok bariya û zerer gihand otomobîlên xelkê û berhemên çandiniyê.
Îro piştî nîvro li navçeyên Semsat û Kolikê yên Semsûrê teyrokeke bihêz bariya.
Teyrokê di serî de darên behîvan, zerereke zêde gihand berhemên çandiniyê.
Teyrokê her wiha zerereke zêde gihand otomobîlên xelkê û camên wan şikandin.
Panelên tavê jî ji teyrokê zerer dît.
Li gorî dîmen û wêneyên ku hatine belavkirin, hebên teyroka ku li Semsûrê bariyaye bi qasî hêkan mezin in.
Li navçeya Çêrmûgê ya Amedê jî teyrok û baraneke bihêz bariya û pişt re lehî rabû.
Otomobîl di çûn û hatinê de rastî astengiyan hatin.
Teyrokê rêyên li navenda bajarê Çêrmûgê spî kirin.
Li aliyê din, li navçeya Qamûşanê ya Qersê jî teyrok û baran bariya.
Xelkê navçeyê bi carekê re tûşî teyrokê bû û ji ber teyroka bihêz astengî di çûn û hatinê de çêbûn.
Piştî teyrokê rê û kolanên Qamûşanê di nav avê de man.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse