Hewlêr (Rûdaw) – Serokatiya Herêma Kurdistanê red dike ku ti firokeyeke hilgira çek ji Îmaratê hatibe Hewlêrê û radigihîne, “Ew nûçe bi temamî bêbingeh e û ji hemû rastiyan dûr e.”
Çavkaniyekî berpirs ji dîwana Serokayetiya Herêma Kurdistanê derbarê îddîayên ku di beşek medayên Erebî û Kurdî de cih digirin ji Rûdawê re axivî.
Çavkaniyê berpirs ji Rûdawê re ragihand, “Ti rastî û bingehek bo wê nûçeyan nîne ku çend roj e li ser hinek televîzyon û malperên Erebî tên belavkirin û ji aliyê beşek ji malperên Kurdî ve jî tên veguhastin ku qaşo piştî serdana birêzan Serokê Herêma Kurdistanê û Serokwezîrê Herêma Kurdistanê bo Îmaratê, 3 firokeyên balhilgir çek anîne û daketine bo firokeya navdewletî ya Hewlêrê.”
Çavkaniyê berpirs ji dîwana Serokayetiya Herêma Kurdistanê dupat dike, “Ew nûçe bi temamî bê bingeh in û ji hemû rastiyan dûr in.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse