Hewlêr (Rûdaw) - Li Hewlêra paytext li ser rêya navçeya Koyeyê karmendekî benzînxaneyekê 3 kes kuştin.
Polîsê Hewlêrê ji Rûdawê re ragihand ku di bûyera li ser rêya Koye-Kesnezanê de 3 kes hatine kuştin.
Polîsan diyar kir ku bûyer saet 20:30î li benzînxaneyekê qewimiye.
Li gorî şahidekî, otomobîleke reş a Toyota Land Cruiser ji bo dagirtina benzînê çûye benzînxaneyê.
Piştî ku hinek benzîn dirije şofêr dibêje, “Ez pereyê benzîna rijiyayî nadim” û di navbera şofêr û karkerê benzînxaneyê de nîqaş derdikeve.
Karkerê benzînxaneyê bi çeka kalaşnîkovê gule li rêwiyên otomobîlê reşandine û di encamê de yek ji wan li cihê bûyerê û yê din jî li ser rêya nexweşxaneyê 2 dimirin.
Ji bilî wan her du kesan, kesekî sêyem ku ti pêwendiya wî bi bûyerê re nebûye, gule lê dikeve û ew jî dimire.
Nûçegihanê Rûdawê da zanîn ku rêwiyên otomobîlê Ereb û karkerê benzînxaneyê jî Kurd bûye.
Polîsê Hewlêrê ragihand ku tohmetbarê kuştina sê kesan hatiye desteserkirin.
Bi biryara dadger hatiye girtin û lêkolîna li ser bûyerê berdewam dike.
#VÎDEO - Li Hewlêrê li ser rêya Koyeyê pevçûna bi çekan rû da: Kuştî hene#Hewlêr pic.twitter.com/DS49csiI1x
— RudawKurdi (@RudawKurdi) August 6, 2025
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse