RIHA - Termê Kadrî Yeşîltaş li kêleka rê hat dîtin

Hewlêr (Rûdaw) - Li navçeya Siwêregê ya Rihayê, li kêleka rê termê kesekî bi navê Kadrî Yeşîltaş hat dîtin.

Xelkê li herêmê, li ser rêya Siwêreg-Semsûrê li kêleka rê kesekî bê liv û tevger dît û Navenda Banga Lezgîn a 112an agahdar kir.

Tîmên ku çûn cihê bûyerê diyar kir ku ew kes miriye.

Di encama lêkolîna cendirmeyan de hat zanîn ku navê wî Kadrî Yeşîltaş e.

Tîman li cihê bûyerê li derdora term gelek qalikên guleyan dîtin.

Lêpirsîna cendirmeyan a derbarê bûyerê didome.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger