Hewlêr (Rûdaw) - Li parêzgeha Qersê ya Bakurê Kurdistanê ambulans wergeriya û di encamê de bijîşkek û 3 karmendên tenduristiyê birîndar bûn.
Ambulansa ku Ugur Keskin diajot piştî ku ji Erdexanê nexweş veguhast Îdirê û vedigeriya cihê peywira xwe, li ser rêbejaya Qers-Îdirê wergeriya.
Di qezayê da tevî şofêr, Yusuf Kemalê bijîşk û her wiha karmendên tenduristiyê Ceren Arslan û Kubra Zafer birîndar bûn.
Li ser agahdarkirinê, tîmên tenduristiyê, AFAD, îtfaiye û cendirme çûn cihê qezayê.
Tîmên tenduristiyê birîndar veguhastin Navenda Lêkolîn û Sepana Tenduristiyê ya Zanîngeha Kafkasê û Nexweşxaneya Dewletê ya Harakaniyê.
Hat zanîn ku tenduristiya birîndaran bi giştî baş e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse