Hewlêr (Rûdaw) - Li navçeya Şemzînanê ya parêzgeha Colemêrgê ya Bakurê Kurdistanê ji ber sedemeke nehat zanîn agir bi daristanê ket û mezin bû.
Li gorî zanyariyan, şeva borî li nêzîkê gundê Surûnîsê yê Şemzînanê ji ber sedemeke nehat zanîn agir bi daristanê ket û bi bandora bayê belav bû.
Gundiyan yekser dest bi xebatên vemirandina agir kir û li ser agahdarkirinê tîmên agir vemirandinê, AFAD û tîmên tenduristiyê jî çûn cihê şewatê.
Agir heta niha nehatiye vemirandin û xebatên vemirandinê didomin.
Qeymeqamiya Şemzînanê derbarê agir ragihand ku ji bo ewlehiya xelkê li 21 malan tedbîrên pêwîst hatine wergirtin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse