Kurdistan
Konsula Amerîkayê çû Birêvebiriya Giştî ya Parastina Sivîlan a Herêma Kurdistanê / Wêne: Torên civakî
Hewlêr (Rûdaw) - Konsula Giştî ya Amerîkayê ya Hewlêrê çû Birêvebiriya Giştî ya Parastina Sivîlan a Herêma Kurdistanê û 12 amûrên bipêşketî yên "meqesên birînê" pêşkêşî wan kirin.
Tîmên Birêvebiriya Parastina Sivîlan li ser bikaranîna otomobîla platforma 100 metreyî rahênanan dikin.
Îro li Birêvebiriya Parastina Sivîlan a li Hewlêrê, Birêvebirê Giştî yê Parastina Sivîlan a Herêma Kurdistanê Yadgar Enwer Ferec Konsula Giştî ya Amerîkayê ya Hewlêrê Gwendolyn Green û şandeya pê re pêşwazî kirin.
Armanca serdanê pêşkêşkirina 12 "meqesên birînê" yên ji bo tîmên rizgarkirinê bû.
Ev amûrên ku li Amerîkayê hatine çêkirin, di dema bûyeran de ji bo birîna hesin û rizgarkirina welatiyan tên bikaranîn.
Rahênanên bi pisporên biyanî re
Her wiha di çarçoveya serdanê de, Konsula Amerîkayê çû serdana rahênanên tîmên birêvebiriyê ku ji aliyê pisporên Fransiz ve tên perwerdekirin.
Di dawiya serdanê de, Yadgar Enwer û Gwendolyn Green çûn cem tîmên parêzgehên Hewlêr, Silêmanî û Dihokê.
Ev tîm ji aliyê tîmeke Îtalyayê ve li ser otomobîla cureyê "platforma 100 metreyî" rahênanan dikin.
Ew otomobîl ji bo kontrolkirina agir û rizgarkirinê ya li avahiyên bilind tê bikaranîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse