Hewlêr (Rûdaw) - Fermandarê Giştî yê Hêzên Sûriyeya Demokratîk (HSD) Mezlûm Ebdî li ser xwefesixkirina PKKyê got, “Biryarên PKKyê dê rê li ber pêvajoyeke aştiyane veke.”
Mezlûm Ebdî diyar kir ku biryarên PKKyê yên fesixkirina avahiya rêxistinî, bidawîkirina rêbaza têkoşîna çekdarî û destpêkirina pêvajoya siyaseta demokratîk, li ser banga Abdullah Ocalan cihê rêzdariyê ye.
Fermandarê Giştî yê HSDyê got, PKK di pêvajoya borî de, roleke dîrokî û sereke li Rojhilata Navîn lîst."
Mezlûm Ebdî tekez kir ku ew bawer dikin ku ev pêngava nû dê rê li ber pêvajoyeke siyasî û aştiyane ya nû li herêmê veke.
Ebdî di dawiya daxuyaniya xwe de hêvî kir ku hemû aliyên têkildar gavên pêwîst biavêjin û hemû dost desteka pêwîst bidin.
Partiya Karkerên Kurdistanê (PKK) 9ê Gulanê diyar kir ku li ser banga Abdullah Ocalan wan awayekî serkeftî 5-7ê Gulanê kongreya xwe pêk aniye.
Her wiha PKKyê îro piştî 41 salan ji xebata çekdarî biryar da ku xwe fesix bike û çekan deyne lê pêvajo hîn neketiye qonaxa pratîkî.
PKKyê biryarên kongreya 12an ku bi beşdariya 232 endaman pêkhatibû eşkere kirin.
Li gorî biryaran, “PKK hat fesixkirin, têkoşîna çekdarî qediya û xebatên li ser navê PKKyê qediyan.”
Biryarên PKK’ê yên fesixkirina avahiya rêxistinî, bidawîkirina rêbaza têkoşîna çekdarî û destpêkirina pêvajoya siyaseta demokratîk, li ser banga Serok Ocalan cihê rêzdariyê ye.
— Mazloum Abdî مظلوم عبدي (@MazloumAbdi) May 12, 2025
PKK’ê di pêvajoya bihûrî de, roleke dîrokî û sereke di Rojhilata Navîn de lîst. Em di vê baweriyê de ne…
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse