Hewlêr (Rûdaw) - Serokê Herêma Kurdistanê Nêçîrvan Barzanî îro pêşwazî li Wezîrê Tendirustiyê yê Urdinê kir û di wê hevdîtinê de pêşvebirina pêwendiyên Urdinê ligel Iraq û Herêma Kurdistanê û hevkarî zêdetir a warê tendirustî hat gotûbêjkirin.
Serokê Herêma Kurdistanê Nêçîrvan Barzanî îro Duşemê 12ê Hezîrana 2023yan pêşwazî li Wezîrê Tendirustiyê yê Urdinê Fîras Îbrahîm El Hewarî û şanda pê re kir.
Li gor daxuyaniya Ofîsa Serokê Herêma Kurdistanê di hevdîtinê de wezîrên tendirustiyê yên hikûmeta Iraqê û Hikûmeta Herêma Kurdistanê jî amade bûn.
Di civînê de behsa rêkxistina Hefteya Tendirustiyê ya Kurdistanî – Urdinî hat kirin, ku niha li Hewlêrê birêve diçe.
Nêçîrvan Barzanî spasiya Wezareta Tendirustiya Urdinê kir ji bo hevkarî û hemahengiya ligel Wezareta Tendirustiya Kurdistanê û Hikûmeta Iraqê û tekez kir ku Herêma Kurdistanê û Iraq dikarin di herdu warên bijîşkî û perwerdehiyê de sûdê ji ezmûna baş Urdinê werbigrin.
Herwiha bihêzkirina pêwendiyên Urdinê ligel Iraq û Herêma Kurdistanê û hevkarî û hevahengiya zêdetir a di warê tendirustî û bijîşkî de hat gotûbêjkirin.
Foruma Hefteya Tendirustiyê ya Kurdistanî – Urdinî
Foruma Hefteya Tendirustiyê ya Kurdistanî – Urdinî ku li Hewlêra îro li Hewlêrê dest pê kir.
Serokwezîrê Herêma Kurdistanê Mesrûr Barzanî, Wezîrê Tendirustiya Iraqê Salih El-Hesnewî û Wezîrê Tenduristiyê yê Urdinê Fîras Îbrahîm El Hewarî jî di vekirina vê forumê de amade bûn.
Gelek pisporên tenduristiyê ji Urdun û Iraqê û Herêma Kurdistanê jî beşdarî forumê dibin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse