Hewlêr (Rûdaw) - Birêvebirê Çandiniyê yê Kirmaşanê da zanîn, ew pêşbînî dikin ku îsal berhema wan a zeytûnan zêdetirî 6 hezar tonî be.
Birêvebirê Çandiniyê yê Kirmaşanê Seîd Keremî ragihand ku nêzîkî du hefteyan e demsala berhevkirina zeytûnan li parêzgeha Kirmaşanê dest pê kiriye û dê heta dawiya payîzê berdewam bike.
Birêvebirê Çandiniyê yê Parêzgeha Kirmaşanê Seîd Keremî got:
"Li parêzgehê nêzîkî hezar hektar erdê zeytûnan heye.
Berhema îsal a wan baxan jî bi 6 hezar tonî tê texmînkirin."
Seîd Keremî her wiha anî ziman:
"Piraniya zeytûnên parêzgehê li Dalaho, Serpêlî Zehaw, Selasî Bawecanî, Ciwanro, Qesrî Şîrîn, Gêlan û Paweyê ne."
Keremî diyar kir ku nêzîkî nîvê berhema zeytûnan a parêzgehê ji bo xwarinê ye û nîvê din jî ji bo çêkirina rûn tê bikaranîn.
Li gorî gotina Keremî, Parêzgeha Kirmaşanê di warê zeytûnan de li ser asta Îranê di rêza heştemîn de û di warê berhema zeytûnan de jî di rêza heftemîn de ye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse