Hewlêr (Rûdaw) – Li navçeya Şemzînanê ya Colemêrga Bakurê Kurdistanê, ji ber aşûtê rêya 2 gundan hat girtin.
Berfa ku 3 roj in li navçeyê bi bandor e, di hatûçûnê de bû sedema astengiyan.
Li gundên Bêntûr û Katûnê yên Şemzînanê, ji ber berfa zêde aşût ket li ser rêya wan.
Li ser agahdarkirinê tîmên Îdareya Taybet a Parêzgehê û yên Şefîtiya Şantiyeyê ya Şemzînanê çûn devera aşûtê.
Ekîban ji bo vekirina rêyên girtî dest bi xebatê kir.
Ekîb ji bo rakirina komên berfê ku li hin xalan heta 4 metreyan bilind bûye û vekirina rêyên 2 gundan xebatê didomînin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse