Hewlêr (Rûdaw) - Li navçeya Qoserê ya parêzgeha Mêrdînê, ji sobeyê gaza karbonmonoksîtê derket û Gulîstan K. (38) û 5 zarokên wê bi jehrê ketin.
Rewşa tenduristiyê ya Gulîstan û zarokên dijwar e.
Li gorî agahiyan, hevjînê Gulîstan K.yê piştî ku li wê digere û xeberê jê wernagire, tîmên tenduristiyê agahdar kir.
Tîmên tenduristiyê yên ku çûne cihê bûyerê bi alîkariya çilingaran ketin hundirê malê.
Tîmên tenduristiyê Gulîstan û zarokên wê Hamdullah (4 ), Mazlum (8 ), Elîf Rana (10 ), Leyla (12) û Civan bêhiş dîtin.
Tîmên tenduristiyên kesên ku bi jehrê ketibûn bi ambûlansê birin nexweşxaneyê.
Hat ragihandin ku dermankirina dayik û zarokên wê li nexweşxaneyê berdewam e û rewşa tenduristiyê ya her 6 kesan jî giran e.
Derbarê bûyerê lêpirsîn hat destpêkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse