Hewlêr (Rûdaw) - Hêzên Parastina Gel (HPG) nasnameya 6 gerîlayên ku Adara 2018an di encama êrişên artêşa Tirkiyeyê de li Başûrê Kurdistanê canê xwe ji dest daye eşkere kir.
Li gor daxuyaniya Navenda Ragihandin û Çapemeniyê ya HPGyê, gerîlayan di çarçoveya "berxwedana bi heybet" a sala 2018an di encama şer û pevçûnên li gel artêşa Tirkiyeyê canê xwe ji dest daye.
Di daxuyaniyê de wiha hat gotin, "Hevrêyên me Rehşan, Şîndar, Ferat, Argeş, Awyer û Brûsk ku li hemberî jiyana koletiyê ya li gelê me dihate ferzkirin serî hilda.
Tevlî nava têkoşîna me ya azadiyê bûn û wekî ewladên herî hêja û rûyê pak ê gelê me cihê xwe di dîrokê de girtin."
Li gorî daxuyaniyê, agahiyên li ser nasnameyên her 6 gerîlayan ev in:
Rehşan Ararat: Navê wê yê fermî Cansu Seferoglu ye û li Agiriya Bakurê Kurdistanê ji dayîk bûye. 20ê Adara 2018an li Başûrê Kurdistanê canê xwe ji dest daye.
Şîndar Zîlan: Navê wê yê fermî Zîlan Avşar e û li Erdexana Bakurê Kurdistanê ji dayîk bûye. 26ê Adara 2018an li Başûrê Kurdistanê canê xwe ji dest daye.
Ferat Dijwar: Navê wî yê fermî Firat Agçakaya ye û li Wana Bakurê Kurdistanê ji dayîk bûye. 20ê Adara 2018an li Başûrê Kurdistanê canê xwe ji dest daye.
Argeş Çiya: Navê wî yê fermî Serkan Kahraman e û li Mûşa Bakurê Kurdistanê ji dayîk bûye. 20ê Adara 2018an li Başûrê Kurdistanê canê xwe ji dest daye.
Awyer Sine: Navê wî yê fermî Şaho Mûhammedî ye û li Sineya Rojhilatê Kurdistanê ji dayîk bûye. 5ê Adara 2018an li Başûrê Kurdistanê canê xwe ji dest daye.
Brûsk Çavreş: Navê wî yê fermî Suat Kaya ye û li Wana Bakurê Kurdistanê ji dayîk bûye. 20ê Adara 2018an li Başûrê Kurdistanê canê xwe ji dest daye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse