Suna Kepolu Ataman û Rêbiwar Elî / Wêne û Vîdeo: Rûdaw
Hewlêr (Rûdaw) - Parlamentera Partiya AK Partiyê ya Amedê Suna Kepolu Atamanê rexneyên tund li Partiya Gel a Komarî (CHP) girtin û got, “CHPyê bav û kalên me îdam kirine.”
Komîsyona Hevgirtina Neteweyî, Biratî û Demokrasiyê, îro di bin serokatiya Serokê Parlamentoya Tirkiyeyê Numan Kurtulmuş de ji bo gotûbêjkirina mijara "çûyîna Îmraliyê" civiya.
Komîsyonê biryar da ku şandeyek here Îmraliyê.
MHP AK Partî, DEM Partî, TÎP û EMEPê got, "Erê" û biryar bi 32 dengan hat standin.
DSP, DP û HUDA PARê got "Na" û CHP û Yenîden Refah jî beşdarî rûniştin û dengdanê nebûn û Rêya Nû jî "Bêalî" ma.
Suna Kepolu Ataman bû mêhvana Rûdawê û ev helwesta CHPyê rexne kir.
Parlamentera Amedê diyar kir ku ev pêvajo ji bo Tirkiye û Kurdan gelekî girîng e.
Wê destnîşan kir ku Serokkomarê Tirkiyeyê Recep Tayyîp Erdogan û Serokê MHPyê Devlet Bahçelî di vê mijarê de “wêrek in û hesabê hilbijartinê nakin.”
“Komîsyon dê bi Ocalan re rûne”
Atamanê bal kişand ser biryara Komîsyona Parlamentoyê ya ji bo serdana Îmraliyê û teqez kir ku ev serdan dê pêk were û got:
“Kî neçe jî ev Komîsyon dê here Îmraliyê û bi Ocalan re rûne.”
Rexneyên tund li CHPyê
Parlamentera AK Partiyê di axaftina xwe de CHP kir hedef û got ku CHP ti demê li kêleka Kurdan nesekiniye û vê varê jî rûyê xwe yê rast nîşan daye û li pey çû:
“CHP ti demê li kêleka gelê Kurd nemaye. CHPyê bav û kalên me îdam kirin, heta îro ji bo xatirê gelê Kurd tiştek nekiriye. Eger tiştin gotibin jî ji bo berjewendiyên xwe gotine.”
“Kurd û Tirk ji hev nayên qetandin”
Sunayê destnîşan kir ku ew ji serkeftina pêvajoyê piştrast eû biland:
“Ev pêvajo dê bi her awayî here serî. Gelê Kurd jî dixwaze, gelê Tirk jî dixwaze. Kurd û Tirk ji hev nayên qetandin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse