Hewlêr (Rûdaw) - Li parêzgeha Qersê ya Bakurê Kurdistanê di navbera du koman şer derket.
Di şerê bi kêr û daran de 2 jê giran 7 kes birîndar bûn.
Li Parka Walî Rahmî Dogan a li Kolana Faîkbeyê ya Taxa Ortakapiyê di navbera du koman de ji ber sedemeke nediyar nîqaş derket.
Nîqaş di demeke kurt de mezin bû û veguherî pevçûnê.
Di pevçûnê de A.Y. (20), B.O. (22), E.K. (19), R.B. (20), K.K. (17), A.B. (17) û M.B. (19) birîndar bûn.
Li ser agahdarkirina welatiyên li derdorê, polîs û tîmên tenduristiyê çûn cihê bûyerê.
Tîmên tenduristiyê birîndar veguhastin Nexweşxaneya Dewletê ya Harakaniyê.
Hat zanîn ku rewşa A.Y. û M.B.yê giran e û metirsî li ser jiyana wan heye.
Polîsan derbarê tohmetbarên ku ji cihê bûyerê reviyane dest bi lêkolînê kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse