‘Kulîlkên Azadiyê’ li Amedê dar çandin

Hewlêr (Rûdaw) - Endamên Koma Amed ên ku piştî 30 salî li Amedê konserek dabû, piştgirî da projeya qada kesk a Şaredariya Peyasê.

Endamên Koma Amed li qada 12 donimî ya ku dê li nêzîkî Bazara Gund a Kolana Mastfiroş ji aliyê Şaredariya Peyasê ve wekî qada kesk bê avakirin, darên fêkî çandin.

Hevserokên Şaredariya Peyasê Bêrîvan Gulşen Sîncar û Cengîz Dundar, endamên meclisê û endamên Koma Amed beşdarî çalakiyê bûn.

Endamên komê darên ku çandin av dan û ji bo bibe bîranîn, şopa destên xwe li ser zemîna betonî hiştin ku dê şaredarî li qada kesk bi cih bike.

Hevserokên Şaredariya Peyasê spasiya gel kir ku eleqeyeke mezin nîşanî konsera komê ya piştî 30 salan dabû.

Koma Amed bi berhemên xwe yên wekî “Kulîlka Azadî”, “Dergûş” û “Agir û Mirov” mohra xwe li muzîka Kurdî xistiye.

#WÊNE - Endamên Koma Amed li Amedê dar çandin da ku "Kulîlkên Azadiyê" bibişkivin

🌲 Koma Amed dawî li hesreta 30 salî anî û li Amedê li Qada Newrozê derket ser dikê

🌲 Endamên Koma Amed li navenda bajêr dar çandin da ku Amed xweşiktir bibe

📸 @kayapinarbld pic.twitter.com/6bdTBHAzyK

— RudawKurdi (@RudawKurdi) October 27, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger