Nasnameyên 5 gerîlayan hatin eşkerekirin

Hewlêr (Rûdaw) - Hêzên Parastina Gel (HPG) nasnameya 5 gerîlayên ku li herêmên cuda yên Başûrê Kurdistanê canê xwe ji dest daye eşkere kir.

Navenda Ragihandin û Çapemeniyê ya HPGyê ragihand ku gerîlayên bi nasnavên Çekdar Çiyager, Hêvî Koçer, Zanyar Faraşîn, Rojvan Baz û Hasan Qerejdax sala 2017an canê xwe ji dest daye.

Navenda Ragihandin û Çapemeniyê da zanîn ku her 5 gerîlayan jî li herêmên cuda yên Başûrê Kurdistanê di êrişên hêzên Tirkiyeyê de canê xwe ji dest daye.

Li gorî daxuyaniyê, nasnameyên her 5 gerîlayan bi vî rengî ne:

Çekdar Çiyager: Navê wî yê fermî Ferşad Hasanzade ye û ew ji Urmiyeyê ye û 25ê Nîsana 2017an li Xarkukê canê xwe ji dest daye.

Hêvî Koçer: Navê wê yê fermî Nafiya Gezîcî ye û ew jî Bedlîsê ye û 11ê Çiriya Paşîn a 2017an li Avaşînê canê xwe ji dest daye.

Zanyar Faraşîn: Navê wî yê fermî Vedat Abî ye û ew jî Wanê ye û 25ê Nîsana 2017an li Xarkukê canê xwe ji dest daye.

Rojvan Baz: Navê wî yê fermî Murat Emre Donmez e û ew li bajarê Îzmîrê ji dayîk bûye û 25ê Nîsana 2017an li Xarkukê canê xwe ji dest daye.

Hasan Qerejdax: Navê wî yê fermî Sedat Arslan û ew jî Amedê ye û 27ê Tîrmeha 2017an li herêma Zapê canê xwe ji dest daye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger