Baroya Rihayê ji bo Îsmaîl Beşîkçî peyamek belav kir

Hewlêr (Rûdaw) - Komîsyona Zimên a Baroya Rihayê, derbarê rewşa tenduristiyê ya civaknas û nivîskar Îsmaîl Beşîkçî de peyamek belav kir.

Komîsyonê di peyama xwe de amaje bi berdêlên ku Beşîkçî ji bo doza Kurdan dane kir û jê re şifaya xêrê xwest.

"Dua û silavên me bi Mamoste Beşîkçî re ne"

Di peyama ku ji aliyê Komîsyona Zimên a Baroya Rihayê ve hat weşandin de, ev tişt hatin gotin:

“Mamoste Beşîkçî ji bo Neteweya Kurd gelek berdêl dan. Cenabê wî nivîskar û têkoşerê doza Neteweya Kurdan e! Lê îro di xetereyek mezin de ye!

Dua û silavên me bi Mamoste Beşîkçî re ne... Înşellah bi saxiya can vegere nav şopdar û hezkiriyên xwe!”

Civaknas û nivîskar Îsmaîl Beşîkçî pêr li Amedê ji ber ku xwîn çûbû ser mejiyê wî, ew rakiribûn Nexweşxaneya Fakulteya Tibê ya Zanîngeha Dîcleyê.

Li gorî zanyariyan, rewşa Beşîkçî ber bi başbûnê ve diçe.

Li Ser Mamoste Îsmaîl Beşîkçî...
Mamoste Beşîkçî bo Neteweya Kurd gelek berdêl dan. Cenabê wî nivîskar û têkoşerê doza Neteweya Kurdan e!
Lê îro di xetereyek mezin de ye!
Dua û silavên me bi Mamoste Beşîkçî re ne... Înşellah bi saxîya can vegere nav şopdar û hezkirîyên xwe!

— Komîsyona Zimên a Baroya Rihayê (@RihaZiman) September 29, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger