Rojhilata Navîn
Hakan Fidan û Elî Memlûk geşdanên vê dawiyê û rewşa Rojavayê Kurdistanê gotûbêj kirine
Hewlêr (Rûdaw) – Hat îdia kirin ku Rawêjkarê MÎTa Tirkiyê Hakan Fidan û Serokê Îstîxbarata Sûriyeyê Elî Memlûk civiyan.
Li gor nûçeya ajansa Sûrî SANAyê Rawêjkarê MÎTa Tirkiyê Hakan Fidan û Serokê Îstîxbarata Sûriyeyê Elî Memlûk civiyan û geşadenên li herêmê û Sûriyê û rewşa Rojavayê Kurdistanê gotûbêj kirine.
Çavkaniyên ji hevdîtinê agahdar dibêjin hevdîtın li Moskowê çêbûyê, lê hûrgiliyên mijarên hevdîtinê hêj nayên zanîn.
Di nûçeyê de tê gotin: “Di hevdîtina bi beşdariya nûnerên Sûriye, Rûsya û Tirkiyê hatî kirin de aliyê Sûriyê daxwaz kiriye ku rêz li serweriya wê were girtin û divê hêzên biyanî dimeldest ji nav axê vê vekişe.”
Pêştir Lêkoler û Rojnamevanê Sûrî Nizar Nayouf, ew îdîa belav kiribû ku “Hakan Fîdan ê Serokê Îstixbarata Giştî ya Tirkiyê ji nişka ve çûye Binkeyê Himêmîm û ligel Serokê Îstîxbarata Sûriyê Elî Memlûk civiya.”
Rojnamevan Nizar Nayouf derbarê naveroka serdanê de tu agahiyên zêdetir belav nekiribû û ji aliyê Tirkiye û Sûriyê ve jî ti daxuyaniyên fermi nehatibûn dayîn ku wê serdanê piştrast an jî red bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse