Hewlêr (Rûdaw) - Wezîrê Karên Derve yê Îraqê Fuad Husên ragihand ku wan û Tirkiyeyê li hev kiriye ku ew dê gumanbarên DAIŞê yên welatiyên xwe bibin.
Ev lihevkirin li ser wergirtina wan welatiyên Tirkiyeyê ye ku gumanbarên DAIŞê ne.
Beriya niha Kampa Holê û girtîgehên li Sûriye û Rojavayê Kurdistanê hatibûn girtin.
Piştî vê girtinê Îraqê bi hezaran girtiyên gumanbar anîbûn Îraqê.
Ev girtî bi salan e li wan kamp û girtîgehên Sûriye û Rojavayê Kurdistanêê bûn.
Îraqê ev girtî bi hevahengiya Amerîkayê ji Sûriye û Rojavayê Kurdistanê wergirtin.
Birêvebiriya Bexdayê diyar kir ku ew plan dikin gumanbarên DAIŞê di nav pergala xwe ya dadweriyê de bidarizînin.
Di heman demê de Bexdayê bangî welatên din jî kir.
Bexdayê ji wan welatan xwest ku hevwelatiyên xwe bibin.
Hevdîtina bi Tom Barrack re
Wezîrê Karên Derve yê Îraqê Fuad Husên bi Balyozê Amerîkayê yê Tirkiyeyê û Nûnerê Amerîkayê yê Kar û Barên Sûriyeyê Tom Barrack re civiya.
Fuad Husên di vê hevdîtinê de eşkere kir ku ew ji bo hevwelatiyan bi gelek welatan re di nav dan û standinan de ne.
Fuad Husên da zanîn ku wan ji bo vegerandina hevwelatiyan bi Tirkiyeyê re peyman kiriye û ev mijar çareser bûye.
Bangî welatên din kir
Ji aliyê din ve, Fuad Husên daxuyaniyeke din da Konseya Mafên Mirovan a Neteweyên Yekbûyî.
Wî bangî hemû welatan kir ku welatiyên xwe yên tevlî kiryarên terorê bûne wergirin.
Fuad Husên xwest ku ev kes li welatên xwe werin darizandin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse