Balyoza Amerîkî: Piştgiriya me ji bo Herêma Kurdistanê dê berdewam be

Hewlêr (Rûdaw) - Serokê Herêma Kurdistanê Nêçîrvan Barzanî li Bexdayê bi Balyoza Amerîkayê ya Iraqê Alina Romanowski re civiya

Serokwezîrê Herêma Kurdistanê Nêçîrvan Barzanî ku bi helkefta 42 saliya damezrandina Tevgera Bedir li Bexdayê çendîn hevdîtin pêk anî, bi Balyoza Amerîka li Iraqê Alina Romanowski re civiya.

Li gorî daxuyaniya Serokatiya Herêma Kurdistanê, di hevdîtinê de pêwendiyên Amerîka ligel Herêma Kurdistanê û Iraqê, hevkariya di navbera wan de û herwiha rêkeftina petrolê ya di navbera Herêma Kurdistanê û Iraqê de hatiye îmzekirin, hatin gotûbêjkirin.

Aliyan peymana ku di navbera Hewlêr û Bexdayê de hatiye îmzekirin, ji bo dubare hinartina petrola Herêma Kurdistanê weke “gaveke erênî” nirxandin.

Balyoza Amerîkî Alina Romanowski diyar kir ku welatê wê giringiyê dide diyaloga Hewlêr-Bexdayê û çareserkirina pirsgirêkên di navbera wan de û dûpat kir ku piştevaniya wan bo Herêma Kurdistanê û Iraqê dê berdewam be.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger