Hewlêr (Rûdaw) - Hêzên artêşa Îsraîlê îro careke din derbasî nav axa Sûriyeyê bûn.
Ew hêz çûn gundê "Seyda Hanût"ê yê li çoltera Quneytrayê ya li başûrrojavayê Sûriyeyê.
Hêza Îsraîlê ji 6 wesayîtên leşkerî pêk dihat û ber bi nav gund ve çû.
Heta niha derbarê tevger û gavên wê hêzê yên li herêmê de agahî nehatine belavkirin.
Ev gav piştî zincîreek bûyerên bi vî rengî tê.
Doh jî artêşa Îsraîlê êrişî Sûriyeyê kiribû û bi topan çend gundên parêzgeha Derayê kiribûn armanc.
Medyaya Sûriyeyê belav kiribû ku topxaneyên artêşa Îsraîlê ji Girên Golanê (Colan) 8 guleyên topan avêtine herêma di navbera her du gundên Kewye û Abidînê yên li gundewarê rojavayê Derayê.
Her wiha hatibû diyarkirin ku yek ji topan li nêzîkî xaniyekî li gundekî ketiye xwarê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse