Erdogan û Mitsotakis li Enqereyê civiyan

Hewlêr (Rûdaw) - Serokkomarê Tirkiyeyê Recep Tayyîp Erdogan û Serokwezîrê Yûnanistanê Kyriakos Mitsotakis civiyan.

Recep Tayyîp Erdogan, Serokwezîrê Yûnanistanê Kyriakos Mitsotakis li ber deriyê Koşka Serokkomariyê ya li Enqereyê pêşwazî kir.

Piştî hevdîtina dualî, Erdogan û Mitsotakis dê serokatiya Civîna 6emîn a Konseya Hevkariya Asta Bilind a Tirkiye û Yûnanistanê bikin.

Erdogan û Mitsotakis dê paşê beşdarî merasîma îmzekirina peymanan bibin.

Piştî îmzekirina peymanan, Erdogan û Mitsotakis dê konferanseke rojnamegeriyê ya hevbeş li dar bixin.

Mitsotakis dema gihîşt Koşkê, silav da Wezîrê Karên Derve yê Tirkiyeyê Hakan Fîdan, Serokê Ragihandinê yê Serokkomariyê Burhanettîn Duran û Şêwirmendê Taybet ê Serokkomariyê Akîf Çagatay Kiliç.

Di hevdîtinê de Hakan Fîdan û Akîf Çagatay Kiliç jî amade bûn.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger