Hewlêr (Rûdaw) - Hat zanîn ku ew kesê di erdheja li navçeya Sindirgiyê ya Balikesîrê de miriye Nîhat Onbaşê 81 salî ye.
Onbaş di bin kavilên avahiyekê de mabû ku ji ber tundiya erdheja 6,1 pileyan rûxiyabû.
Nîhat Onbaş tevî hemû hewldanan, piştî ku ji bin kavilan hat derxistin nehat rizgarkirin.
Hat diyarkirin ku Onbaş apê lîstikvan û şanogera Tirk Eylul Tumbarê ye.
Doh li navçeya Sindirgiyê erdhejeke bi hêza 6,1 pileyan çêbû. Di erdhejê de Nîhat Onbaşê 81 salî mir û 52 kes jî birîndar bûn.
Wezîrê Tenduristiyê Tirkiyeyê Kemal Memîşoglu ragihand ku rewşa birîndaran baş e.
Li gorî daxuyaniya Serokatiya Birêveberiya Karesat û Rewşên Bilez a Tirkiyeyê (AFAD), erdhejê saet 19:53an di kûrahiya 11 kîlometreyan de rû da.
Piştî erdheja sereke, heta niha 41 erdhejên din ên biçûk jî çêbûne ku hêza ya herî mezin 4,6 pile bû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse