Hewlêr (Rûdaw) - Partiya Vatanê ji bo Cîgirê Serokê Parlamentoya Tirkiyeyê û endamê Heyeta Îmraliyê Sirri Sureyya Onder ku krîza dil lê da çû serdana DEM Partiyê.
Berpirsên Partiya Vatanê çûn Nexweşxaneya Florence Nightingaleya endamê Heyeta Îmraliyê Sirri Sureyya Onder lê tedawî dibe.
Şandeya bi serokatiya Cîgirê Serokê Giştî yê Partiya Vatanê Ethem Sancak çû nexweşxaneyê û bi berpirsên DEM Partiyê re rûnişt.
Şande, bi parlamenterên DEM Partiyê Pervîn Buldan, Gulistan Kiliç Koçyîgît û George Aslan re hevdîtinek kir.
Rewşa dawî ya Sirri Sureyya Onder
Berdevka DEM Partiyê Ayşegul Doganê ragihand ku metirsiya li ser jiyana Sirri Sureyya Onder berdewam e û got, “Sirri Sureyya Onder têkoşîneke mezin a jiyanê dide.”
Ayşegul Doganê diyar kir ku hemû gelên Tirkiyeyê li benda xebereke xweş in û da zanîn:
“Nebûna xebereke nebaş tê wê wateyê ku her tişt baş dimeşe.”
Doganê ragihand ku rewşa Sirri Sureyya Onder stabîl e û anî ziman:
“Em ji vê rewşa stabîlîzasyonê re gelekî deyndar in.
Ji ber ku ev jî rewşeke qonaxa nexweşxaneyê bû ku dihat pêşbînîkirin.
Helbet ev nayê wê wateyê ku metirsiya mezin a li ser jiyana wî berdewam nake.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse