Amarên Coronayê li Rojavayê Kurdistanê: 254 tûşbûn, 6 mirin

Hewlêr (Rûdaw) - Desteya Tendirustiyê li Rojavayê Kurdistanê û bakurê Sûriyê ragihand ku, 254 bi coronayê ketine û 6 kesan jî canê xwe ji dest dane.

Hevserokê Desteya Tendirustiyê li Rojavayê Kurdistanê û bakurê Sûriyê Ciwan Mistafa, dawîn amarên taybet bi vîrusa Coronayê belav kir.

Ciwan Mistafa diyar kir ku di heyama 24 demjimêran de 254 pêketiyên nû hatine tomarkirin ku, 142  jê mêr û 112 jin in û pêketiyên nû, 27 jê li Hesekê, 12 li Qamişlo, 28 li Dêrîkê, 6 li Girkê Legê, 1 li Rimêlanê, 2 li Tirbespiyê, 3 li Amûdê, 1 li Dirbêsiyê, 56 li Kobanî, 42 li Reqeyê, 32 li Minbicê, 37 li Tabqayê û 6 li Dêrezorê ne.

Hevserokê Desteya Tendirustiyê amaje bi wê yekê jî kir ku, 3 pêketiyên berê jî ji wê vîrusê başbûne.

Li gor amarên desteya Tendirustiyê, heta niha li Rojavayê Kurdistanê li navçeyên di jêr desthilata Rêveberiya Xweser de, 4 hezar 604 kes bi Coronayê ketine û ji wê hêjmarê 125 kesan canê xwe ji dest dane û 707 kes jî ji wê vîrusê baş bûne.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger