Hewlêr (Rûdaw) – Muşspor di fînala Play-Offê de li pêşberî Balikesirsporê 2-0 bi ser ket û bû şampiyon.
Tîma Mûşa Bakurê Kurdistanê êdî dê di Lîga 2yem a Federasyona Futbolê ya Tirkiyeyê de bilîze.
Her du tîm li Stadyuma Nû ya Edeneyê hatin pêşberî hev.
Muşspor ji destpêka maçê ve serdest bû û bi gola Stanley Ohawuchi ya xuleka 35an 1-0 ket pêş.
Tîma Mûşê xuleka 90+8an jî bi gola Yakup Alkan 2-0 bi pêş ket û ev bû encama maçê jî.
Mûş bi vê encamê bû şampiyon û derbasî Lîga 2yem bû.
Tîma Mûşê par jî heta fînalê çûbû lê di maça fînalê de bi ser neketibû û hêviyên wê nîvco mabûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse