Zelensky: Di têkoşîna dijî Rûsyayê de piştevaniya Çekyayê girîng e

Hewlêr (Rûdaw) - Serokê Ukraynayê Volodimir Zelensky ragihand ku di têkoşîna dijî êrîşkariya Rûsyayê de piştevaniya Çekyayê girîng e.

Serokê Ukraynayê Volodimir Zelensky di daxuyaniya xwe ya li ser hesabê Twitterê de destnîşan kir ku ligel Serokomarê Çekyayê Petr Pavel peywendiyeke telefonê encam daye û got, "Bi awayekî fermî dest bi wezîfeyê kir, min pîrozbahî lê kir."

Zelensky anî ziman ku ligel Pavel derbarê pêşhatên li eniya şer û pêdawistiyên ewlekariyê yên Ukraynayê axivîne û diyar kir ku li ser endamtiya Ukraynayê ji bo Yekîtiya Ewropayê (YE) gotûbêj kirine.

Zelensky ragihand ku wî û Pavel di warê domandina hevkariya Ukrayna û Çekyayê de li hev kirine û got, "Di têkoşîna dijî êrîşkariya Rûsyayê de piştevaniya Çekyayê girîng e."

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger