Hewlêr (Rûdaw) - Modelek hatiye belavkirin ku "guherîna piraniya mirovan a heta sala 2050î nîşan dide".
Pispor eşkere dikin ku encamên metirsîdar ên bikaranîna zêde ya amûrên elektronîk li ser stû, hestî, tevger, çav û çerm derdikevin holê.
Modela ku ji aliyê rêxistina Casinoyê ve hatiye çêkirin mînakeke xeyalî ya şiklê mirovan a di 25 salên pêş de ji ber bikaranîna zêde ya telefon û komputeran nîşan dide.
Bi hişê çêkirî amarên lêkolînan û gotinên lêkoleran li modelê hatine zêdekirin.
Modela ku hatiye çêkirin xwedî çermekî ne rind e ku ev jî amaje ye bi bandorên makyajê û bikaranîna gelek berhemên bedewiyê.
Ji ber vê yekê, model xwedî çermekî werimî ye.
Heta porê wê jî weşiyaye û binçavên wê reş bûne ku hemû jî nîşaneyên mayîna zêde ya li ber ekranan in.
Model her wiha xwedî stûyeke xwar û pişteke ne rast e.
Hugues Gislainê lêkolerê lêkolîneke kovara Interdisciplinary Neurosurgeryê derbarê têkçûna stû, hestî û masûlkeyan a ji ber bikaranîna telefonan dibêje:
"Xwarkirina stûyê di dema bikaranîna telefonê de êşa stûyê zêde dike û masûlkeyên stû û milan jî lawaz dike."
Li gorî amarên cîhanî, beşeke mezin a mirovan heftane 90 saetan bi bikaranîna telefon û amûrên jîr derbas dikin.
Ev jî wiha dike ku mirovahî di warê tenduristiyê de rûbirûyê astengiyeke mezin bibe.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse