Amerîkayê pesend kir ku mûşekan bifiroşe Tirkiyeyê

Hewlêr (Rûdaw) - Wezareta Karên Derva ya Amerîkayê eşkere kir hat pesendkirin ku bi bihayê 300 milyon dolarî zêdetir mûşekan bifiroşin Tirkiyeyê.

Ajansa Hevkarî û Ewlehiya Parastinê ya Pentagonê (DSCA) derbarê pesendkirina firotina çekan daxuyaniyeke nivîskî da.

Li gorî wê daxuyaniyê, Wezareta Karên Derve ya Amerîkayê pesend kiriye ku 53 mûşekên bi menzîla navîn a pêşketî yên AIM-120C-8 (AMRAAM) û 6 mûşekên  AIM-120C-8 AMRAAMê bên firotin.

Her wiha wezaretê firotina 60 mûşekên AIM-9X Sidewinder Blok II jî pesend kir.

Ew corê mûşekan di serî de ji bo F-16an û ji bo gelek karên asmanî tên bikaranîn.

Hatiye diyarkirin pesendkirina firotina çek û kel û pelên leşkerî ji kongreyê re tê pêşkêşkirin û heta 15 rojan mafê nerazîbûnê tê dayîn.

Eger di wê demê de ji kongreyê nerazîbûnek çênebe firotin pêk tê.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger