Hewlêr (Rûdaw) - Li mala derhêner Rob Reiner a li Los Angelesê du kesên mirî hatin dîtin.
Li gorî nûçeya NBC Newsê, li mala sînemager Rob Reiner a li bajarê Los Angelesê termên du kesan hatine dîtin.
Li gorî çavkaniyên hêzên ewlehiyê, termên zilamekî 78 salî û jineke 68 salî li taxa Brentwoodê ya li rojavayê bajêr di nav xaniyekî de hatin dîtin.
Rayedaran heta niha nasnameya kesên mirî û sedema mirina wan eşkere nekiriye.
Hat diyarkirin ku tîmên tenduristiyê roja yekşemê saet 15:30î (bi dema herêmî) çûne malê û pişt re polîs sewqî cihê bûyerê hatine kirin.
Rob Reinerê 78 salî lîstikvan û derhênerekî navdar e ku fîlmên wekî "The Princess Bride", "When Harry Met Sally" û "A Few Good Men" çêkirine.
Fîlma "A Few Good Men" ji bo xelata Oscarê (Academy Award) wekî fîlmê herî baş hatibû berbijêrkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse