Hewlêr (Rûdaw) - Kongresa Amerîkayê bi tohmeta pêkanîna tawanên şer li Sûriyê, biryar da cezayên nû li ser Sûriye, Rûsya û Îranê ferz bike.
Encûmena Nûneran a Amerîkayê roja Sêşemê budceya berevaniyê ya welatê xwe ku 738 milyar dolar e, pesend kir, di çarçoveya pesendkirina budceya berevaniyê de, hevdem biryar daye cezayên nû li ser Sûriye, Rûsya û Îranê ferz bike.
Di civînê de 86 senatoran deng daye projeyasayê û tê pêşbînîkirin Serokê Amerîkayê Donald Trump bilez projeyasayê îmze bike.
Li gor wê projeyasayê ku wek yasaya Qeyserî ya parastina sivîlên Sûriyê tê naskirin, Amerîka wan hemû berpirsên serbazî û hikûmî yên Rûsyayê ceza dike ku li wî welatî tawanên şer kirine, herwiha ew kes û alî jî tên cezakirin ku hevkariya hikûmeta Sûriyê kirine, di nav de Rûsya û Îran.
Hevdem ceza, Serokê Sûriyê Beşar Esed jî li xwe digire, bi tohmeta ku Esed beşdarî pêkanîna tawanên şer bûye li welatê xwe.
Ferzkirina van cezayên nû piştî wê yekê tê, kesekî Sûrî 50 hezar wêne bidest xistine ku zîndanên Beşar Esed di salên 2011 heta 2014an de pêşan didin û di wan de xelk ji nêza dimrin. Îşkenceyeke hovane li beramber girtiyan tê kirin, xelk tên xeniqandin û kuştin, koda navê wî kesê zanyarî bidest xistine bi navê Sîzar bûye, ev nav li proje-yasayê hatiye kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse