Hewlêr (Rûdaw) - Li Maksîkoya paytexta Meksîkayê sekreter û şêwirmendê serokê şaredariyê di êrişeke bi çekan de hatin kuştin.
Ximena Guzmana Sekretera Taybet a Seroka Şaredariya Meksikoyê Clara Brugadayê û şêwirmendê wê Jose Munoz êrişeke bi çekan de hatin kuştin.
Li gorî daxuyaniya rayedaran, Guzman û Munoz li nêzîkî çarrêyana kolanên Calzada de Tlalpan û Napoleonê ya Meksîkoyê dema ku di wesayîtên xwe de bûn rastî êrişa motorsiwarekî hatine.
Tîmên tenduristiyê tesbît kir ku Guzman û Munoz li cihê bûyerê mirine.
Seroka Dewletê ya Meksîkayê Claudia Sheinbaumê li ser bûyerê got, "Mixabin Ximena Guzman û Jose Munoz di êrişeke bi çekan de canê xwe ji dest da."
“Bê ceza namînin”
Sheinbaumê diyar kir ku wê ji bo dîtina êrişkaran ferman daye Sekreterê Ewlehî û Parastina Welatiyan (SSPC) Omar Garcia Harfuch û got:
"Berpirsên vê bûyerê bê ceza namînin û dê li ber dadweriyê hesab bidin.
Lêpirsîn dê bi hûrgilî bê meşandin û piştgiriya hikûmetê temam e."
Sheinbaumê serxweşî ji Seroka Şaredariya Meksîkoyê Clara Brugada û malbatên kuştiyan re xwest.
Brugadayê jî di daxuyaniya xwe de got: "Ximena jineke ecêb, bêwestan û nazik bû.
Ez Pepe ji zarokatiya xwe ve nas dikim, yek ji kesên herî aqilmend û berpirsiyar bû ku min nas kirine."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse