Şêwirmendê Serokatiya Encûmena Federasyona Rûsyayê, Andrey Baklanov
Hewlêr (Rûdaw) - Şêwirmendê Serokatiya Encûmena Federasyona Rûsyayê, Andrey Baklanov di derbarê pirsa Idlibê de radigihîne, “Divê Tirkiye vegere pêgaha xwe ya berê û hêzên xwe vekişîne.”
Andrey Baklanov ji Rûdawê re diyar kir, ew ji liv û tevgerên dawî yên Tirkiyê dilgiranin û divê Tirkiyê pabendê rêkeftina Soçî be.
Her wiha dibêje, Suriye mafdare ku xaka xwe biparêze û desthilata xwe vegerîne.
Şêwirmendê Serokatiya Encûmena Federasyona Rûsyayê amaje bi şandina hêz û alavên leşkerî ji aliyê Tirkiyê ve bo Idlibê, dike û dibêje, “Tirkiye hejmareke zêde serbaz û teknîkên serbazî şandiye Idlibê. Lê rêkeftina me ne wisa bû. Me tenê li ser xalên çavdêriyê lihev kiribû. Ev çi mentiq e wisa? Ma ew dê xalên xwe bi tank û zirxpoşan biparêzin? Ev êdî tiştek din e.”
Andrey Baklanov şandina hêzeke zêde bo Sûriyê ji aliyê Tirkiyê ve dişibîne ‘dagirkirina axa welatekê’. Baklanov dibêje, “Ew dişibe dagirkirina erdê welatekî û vê tiştê jî welatekî wekî Tirkiye ku endamê Neteweyên Yekbûyî ye dike. Em ji Tirkiyeyê dilgiran in û divê herî kêm, Tirkiye vegere pêgeha xwe ya berê û teknîkên xwe yên serbazî vekişîne. Û paşê bi rastî jî, hikumeta Sûriyeyê mafdar e ku hemû erdê xwe vegerîne bin desthilata xwe û dawiya şerî bîne.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse