Hewlêr (Rûdaw) - Wezîra Dadê ya Holandayê Dîlan Yeşîlgoz ku bi eslê xwe Kurd e got, “Ez kiryarên terorîstî yên Hemasê şermezar dikim û piştgiriya berxwedana Îsraîlê ya li dijî wan dikim.”
Li Holandayê karmendek û rayedarekî hikûmetê ji bo Xezeyê ji Serokwezîr Mark Ruttere name şand û wan tê de jê xwest ku “Îsraîlê bidin sekinandin û sivîlên bêguneh biparêzin.”
Li gorî nûçeya NOSê, karmendên ku di gelek saziyan de dixebitin, di nav de hin wezaret jî hene, têkildarî nakokiya Îsraîl û Filistînê nameyeke hevpar ji Hikûmeta Holandayê re şandiye.
Wan di nameyê dê bangî hikûmetê kir û got, “Îsraîlê rawestîne, û sivîlên bêguhen biparêze.”
267 karmendên ku nameyê îmze kiriye diyar kir ku ew ji piştgiriya "bêmerc" ya Hikûmeta Holandayê û civaka navneteweyî ya ji Îsraîlê re bi fikar in.
Seroka Partiya Gel ji bo Azadî û Demokrasiyê (VVD) Wezîra Dad û Ewlehiyê ya Holandayê Dîlan Yeşîlgoz berteke tund da nameyê.
Li gorî nûçeya RTL Nieuws, Dîlan Yeşîlgoz di civîna li Woerdenê de bersiva pirsa yek ji beşdaran da û êrişa Hemasê ya di 7ê Çiriya Pêşîn de li dijî Îsraîlê û êrişa sala 2015an a li Şanoya Bataclan a Parîsê ku di encamê de herî kêm 132 kes hatibûn kuştin, dan ber hev.
Yeşîlgoz got “Wekî karmendekî dibe ku hûn nerîneke we ya taybet hebe û hûn dikarin bi min re nîqaş bikin, lê di dawiyê de serkirdayetiya siyasî xetê diyar dike, ne berevajî.
Wezîra Dad û Ewlehiyê ya Holandayê Dîlan Yeşîlgoz li ser hesabê xwe yê medyaya civakî li ser mijarê wiha got:
“Ez kiryarên terorîstî yên Hemasê şermezar dikim û piştgiriya berxwedana Îsraîlê ya li dijî wan dikim.
Armanca van kiryarên Hemasê nehiştina Dewleta Îsraîlê ye.
Ev ji çareserkirina nakokiya bingehîn û dilovaniya min ji bo mirovên bêguneh cuda ye.”
Ik veroordeel de terreurdaden van Hamas en steun het verzet van Israel daartegen. Dat moet proportioneel. De daden van Hamas zijn gericht op het vernietigen van de staat Israël. Staan daarmee los van het oplossen van het onderliggend conflict en mijn medeleven met onschuldigen. https://t.co/LjyH7O7nJs
— Dilan Yesilgöz - Zegerius (@DilanYesilgoz) October 21, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse