Hewlêr (Rûdaw) - Wezîrê Karên Derve yê Amerîkayê Marco Rubio got, “Hevkariya di navbera Amerîka û Herêma Kurdistanê de sûdê digihîne ewlehiya li Îraq û herêmê.”
Serokê Herêma Kurdistanê Nêçîrvan Barzanî û Wezîrê Karên Derve yê Amerîkayê Marco Rubio bi telefonê axivîn.
Serokê Herêma Kurdistanê pişt re ragihand, “Me rûdanên li Îraq, Kurdistan û herêmê gotûbêj kirin.”
“Me nîqaşeke berhemdar kir”
Wezîrê Karên Derve yê Amerîkayê Marco Rubio jî bi rêya hesabê xwe yê Xê got:
“Me bi Serokê Herêma Kurdistana Îraqê Nêçîrvan Barzanî re nîqaşeke berhemdar kir.
Hevkariya di navbera Amerîka û Herêma Kurdistanê de sûdê digihîne ewlehiya li Îraqê û herêma berfirehtir.
Hevkariyên sereke yên aborî yên bi kompanyayên Amerîkayê re jî ji bo gelê Amerîka û yê Îraqê sûdmend in.”
Had a productive discussion with Iraqi Kurdistan Region President Nechirvan Barzani. Cooperation between the U. S. and the Iraqi Kurdistan Region contributes to the stability within Iraq and the broader region. Key economic partnerships with U.S. companies also benefit both the…
— Secretary Marco Rubio (@SecRubio) May 28, 2025
Li aliyê din Wezareta Karên Derve ya Amerîkayê jî li ser heman mijarê daxuyaniyek belav kir û got:
"Wezîrê Karên Derve yê Amerîkayê Marco Rubio bi Serokê Herêma Kurdistana Îraqê Nêçîrvan Barzanî re axivî.
Wezîr Rubio û Serok Barzanî li ser girîngiya hevkariya berdewam a ji bo bipêşvebirina aramî û geşbûnê ya li Îraq, Sûriye û herêmê bi berfirehî gotûbêj kir.
Wezîr pesnê Hikûmeta Herêma Kurdistanê da ji bo hevpeymaniya wê bi şirketên Amerîkayê re û hewldanên wê yên ji bo bikaranîna çavkaniyên navxweyî ji bo serxwebûna enerjiyê ya Îraqê.
Wezîr tekezî kir ku piştgiriya Amerîkayê ya ji bo Herêma Kurdistana Îraqê dê berdewam bike û dê bibe beşeke girîng a têkiliyên Amerîka û Îraqê."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse