رووداو- زاخۆ
عەبدولقەهار زاخۆی نوێترین كلیپی خۆی بڵاو كردووە و لەگەڵ ئەوەشدا بەهاوبەشی 5 هونەرمەند گۆرانییەك بۆ زاخۆ تۆمار دەكەن.
هونەرمەندی دەنگخۆش عەبدولقەهار زاخۆیی گۆرانی (دلێ من مریە)ی كلیپ كرد، ئەم گۆرانییە لە ئاواز و پەیڤی خۆیەتی.
كاری دەرهێنانی ئەم كلیپەش لە لایەن كاروان مێسیكی كراوە و بەرهەمی ڤین پرۆدێكشنە، ئەم گۆرانییەش بەرهەمی ٢٠١٣ ی هونەرمەند عەبدولقەهار زاخۆییە.
ئیسلام زاخۆیی لەمباریەوە بە (رووداو)ی راگەیاند "گۆرانییەكی هاوبەشمان كلیپ كرد لەگەڵ چەند هونەرمەندێكی شاری زاخۆ، وەك عەبدولقەهار زاخۆیی و حاجی زاخۆیی و دەلال و عەدنان ساڵح".
زاخۆیی گوتیشی "گۆرانییەكە باس لە پێكەوە ژیان و برایەتییەی لە نێوان مەسیحی و موسڵمانەكانی دانیشتووی زاخۆی دەكات، لە پەیڤی دكتۆر بەدرخان سندی و ئاوازی وەلید خالیدە و بەمزوانەش بڵاو دەكرێتەوە".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ