هەڵەیەک روویدا! دووبارە هەوڵبدە
رووداو - تەندروستی
وەزارەتی تەندروستی بڵاوی کردووەتەوە، نۆرینگەیەکی یاریدەدەری پزیشکی لە سۆران دراوەتەوە دادگە کە دەرمانی حکومی و قاچی تێدابووە.
هەر لەبارەی ئەو نۆرینگەیەوە، بەڕێوەبەرایەتیی گشتیی تەندروستیی سۆران ئاشکرای دەکات، 'نۆرینگەی شیفا' لە ناوەندی سۆرانە و 20 پاکەت و 49 شیت دەرمانی حکومی MHO و 95 پاکەت و 15 شیت دەرمانی قاچاخی تێدا بووە و دەستیان بەسەردا گیراوە.
ئەمڕۆ یەکشەممە 29-6-2025 زیاد حەسەن، بەرپرسی پشکنین و بەدواداچوون لە بەڕێوەبەرایەتیی گشتیی تەندروستیی سۆران بە رووداوی راگەیاند، ئەو نۆرینگەیە دەرمانی ماوە بەسەرچووشی تێدا بووە و خاوەنەکەی ماوەیەک لە نەخۆشخانەکان خۆبەخشی کردووە، بەڵام ئێستا وازی هێناوە و نۆرینگەکەی کردووەتەوە.
زیاد حەسەن دەڵێت: بۆ سزاکانی سەر نۆرینگەکە لەلای دادگە یەکلایی دەبێتەوە و تەندروستیی سۆران لە هەڵمەتی بەدواداچوون بۆ دەرمانی قاچاخ و سەرپێچیکردن بەردەوامە.
لە چەند رۆژی رابردوودا لە سلێمانیش، کۆگەیەکی شاراوەی پڕ لە دەرمانی قاچاخ دەستی بەسەرداگیرا؛ پزیشکێکی دەرمانسازی دەڵێت: باشترین رێگەی ناسینەوەی دەرمانی قاچاخ ئەوەیە کە ستیکەری پێوە نییە، دەرمانە قاچاخەکانیش بە مەترسی ناودەبات چونکە؛
- بە رێگەی نایاسایی، نازانستی و نەگونجاو هاوردە دەکرێن.
- بەهیچ فیلتەرێکی کواڵیتیی کۆنتڕۆڵدا تێناپەڕن.
- دەشێت لەکاتی هاوردەکردنیان لەنێو ساردکەرەوەدا نەبن و پلەی گەرمیی زۆریان بەرکەوتبێت.
- زۆرجار مادەکانی نێو دەرمانەکە خراپ بوون، چونکە بە نازانستی هاوردەکراون.
- دەشێت مادەی چالاککەری نێو دەرمانەکەی تێدا نەبێت.
- لە ئەگەری هەر ناڕێکی و خراپییەک لە دەرمانەکە، ناتواندرێت سەرچاوەی بەرهەمهێنانی بدۆزرێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ