هەڵەیەک روویدا! دووبارە هەوڵبدە
رووداو دیجیتاڵ
بەڕێوەبەری فەرمانگەی ئاوی بۆکان دەڵێ، بەهۆی کاریگەریی ئەو شەپۆلە بەفر و بارانەی لە چەند هەفتەی رابردوودا ناوچەکەی گرتەوە، بڕی ئەو ئاوەی دەڕژێتە نێو بەنداوی بۆکان، 10 بەرامبەر زیادیکردووە.
ئەمڕۆ شەممە، 7ی شوباتی 2026، عەباس عەباسی، بەڕێوەبەری فەرمانگەی ئاوی بۆکان رایگەیاند: "لە ماوەی یەک مانگی رابردوودا بڕێکی باش باران و بەفر لە ناوچەکە باریوە، بە جۆرێک کە لە ناوچەکانی نزیک بەنداوەکە 253 ملیمەتر باران تۆمار کراوە و بەو جۆرەش بڕی ئەو ئاوەی دەڕژێتە نێو بەنداوەکە 115.72 مترسێجایە لە چرکەیەکدا ."
بەڕێوەبەری فەرمانگەی ئاوی بۆکان ئاماژەی بەوەشکرد، بەنداوەکە ئێستا 142.2 ملیۆن مەتر سێجا ئاوی تێدایە.
بەنداوی بۆکان ئاوی خواردنەوە بۆ 23 شار و زیاتر لە 130 گوند لە پارێزگاکانی ورمێ، تەورێز و سنە دابین دەکات.
بەنداوی بۆکان گەورەترین بەنداوی پارێزگای ورمێیە و توانای گلدانەوەی 800 ملیۆن مەتر سێجا ئاوی هەیە. بەنداوەکە دەکەوێتە 25 کیلۆمەتری باشووری رۆژهەڵاتی شاری بۆکان و لەسەر رووباری تەتەهوو دروستکراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ