رووداو دیجیتاڵ
یاریدەدەری بەڕێوەبەری نەخۆشخانەی فریاکەوتنی شەهید هەژار لە کەلار بە رووداوی راگەیاند، کەسێک دوای ئەوەی لە شەڕەچەقۆدا بریندار دەبێت بەهۆی سەختی برینەکەیەوە گیان لەدەستدەدات.
رووداوەکە پێشنیوەڕۆی رۆژی چوارشەممە 08-09-2021 لە عەلوەی کەلار روویداوە و باسی لە برینداربوونی چەند کەسێک دەکرێت، بەڵام تەنیا یەک بریندار گەیێنراوەتە نەخۆشخانەی فریاکەوتنی شەهید هەژار.
رزگار مەجید، یاریدەدەری بەڕێوەبەری نەخۆشخانەی فریاکەوتنی شەهید هەژار لە کەلار بە تۆڕی میدیایی رووداوی راگەیاند " تەنیا یەک کەس لەو رووداوە هێنراوەتە نەخۆشخانەکەمان، دوای کاژێرێک لە تیمارکردنی برینەکانی بەداخەوە بەهۆی سەختی برینەکانی گیانی لەدەستدا."
ئەو کەسەی گیانی لەدەستداوە ناوی (هاوکار محەممەد ئەمین)ـە تەمەنی 24 ساڵە و دانیشتووی گەڕەکی شەهیدانی کەلار بووە.
سەبارەت بە هۆکاری رووداوەکە، یاریدەدەری بەڕێوەبەری نەخۆشخانەی فریاکەوتنی شەهید هەژار دەڵێت "تاوەکو ئێستا هۆکارەکەی نەزانراوە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ