رووداو - هەولێر
لە شاری سەمسووری باکووری کوردستان کچێکی تەمەن 19 ساڵ دوای دەمەقاڵێ، باوکی خۆی بە دەمانچە دەکوژێت.
بەپێی میدیاکانی تورکیا، شەوی رابردوو لە گەڕەکی یەشیل یورت لە شاری سەمسوور کچێک بە ناوی دیلان لەگەڵ یوسف-ی باوکی کە تەمەنی 44 ساڵە لە ماڵەکەی خۆیاندا دەبێت بە دەمەقاڵێیان. دوای گەورەبوونی دەمەقاڵێکە دیلان بە دەمانچە لە باوکی دەکات و دەیکوژێت.
دوای گەیشتنی پۆلیس و تیمەکانی فریاکەوتن تەرمی یوسف گوازرایەوە بۆ پزیشکی دادی سەمسوور. دیلان-یش لەلایەن پۆلیسەوە دەستبەسەرکرا.
هۆکاری دەمەقاڵێی نێوان ئەو باوک و کچە هێشتا نەزانراوە و لێکۆڵینەوە لە رووداوەکە دەستیی پێکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ