منداڵێکی تووشبووی ڤایرۆسەکە لە نەخۆشخانەیەکی ئامەد. وێنە: رووداو
رووداو - ئامەد
لە ئامەد و باکووری کوردستان ڤایرۆسی ئەنفلەوەنزا بڵاوبووەتەوە و بەهۆیەوە ژمارەیەکی زۆر خەڵکی نەخۆشکەوتوون. لە 15 رۆژی رابردوودا سەردانیکردنی هاونیشتمانیان بۆ نەخۆشخانەکان بەرێژەی 55% زیادبووە.
تاوەکو ئێستا جۆری نەخۆشییەکە نەتوانراوە دەستنیشانبکرێت و منداڵان زیاتر تووشی دەبن. بەگوێرەی راپۆرتی بەڕێوەبەرایەتی تەندروستی ئامەدیش لە 15 رۆژی رابردوودا سەردانیکەرانی نەخۆشخانەکان 55% زیادیکردووە.
دەرمانسازێکیش ئاماژە بەوە دەکات، ڤایرۆسەکە بەزۆری لە قوتابخانەکاندا بڵاودەبێتەوە و منداڵان تووشی دەبن. تووشبوان بەزۆری پلەی گەرمی لەشیان بە رێژەیەکی بەرچاو بەرزدەبێتەوە.
بۆئەوەی ڤایرۆسەکەش بڵاونەبێتەوە، بە گوتەی ئەو دەرمانسازە، پێویستە تووشبوان لە ماڵەوە نەیەنە دەرەوە تاوەکو چارەسەری پێویست وەردەگرن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ