هەڵەیەک روویدا! دووبارە هەوڵبدە
رووداو دیجیتاڵ
شێخ محەممەد بن زاید وەکو سەرۆکی نوێی ئیمارات ئەمڕۆ هەڵبژێردرا، بەو بۆنەیەوە نێچیرڤان بارزانی، سەرۆکی هەرێمی کوردستان پەیامێکی پیرۆزبایی ئاراستە کرد و رایگەیاند، "چاوەڕوانی هاوکاریی زیاتر و کاری هاوبەشی نێوانمانین."
ئەمڕۆ شەممە 14-05-2022، نێچیرڤان بارزانی، سەرۆکی هەرێمی کوردستان بە بۆنەی هەڵبژاردنی وەکو سەرۆکی ئیمارات، لە هەژماری خۆی لە تویتەر پەیامێکی پیرۆزبایی ئاراستەی شێخ محەممەد بن زاید کرد.
لە پەیامەکەیدا سەرۆکی هەرێمی کوردستان دەڵێت، "پیرۆزبایی لە برای ئازیزم لە بەڕێز شێخ محەممەد بن زاید ئال نەهیان دەکەم بۆ هەڵبژاردنی وەکو سەرۆکی ئیماراتی یەکگرتووی عەرەبی." هەروەها دەشڵێت، "هیوای سەرکەوتنی بۆ دەخوازم لە ئەرکەکانیدا."
رۆژی هەینی، 13-05-2022، خەلیفە بن زاید ئالنەهیان، سەرۆکی ئیمارات و فەرماندەی گشتیی هێزە چەکدارەکان لە تەمەنی 74 ساڵیدا کۆچی دواییکرد.
لەو پەیامە پیرۆزباییەیدا کە ئاراستەی شێخ محەممەد بن زاید، سەرۆکی ئیماراتی کردووە، سەرۆکی هەرێمی کوردستان هیوا دەخوازێت گەلی ئیمارات لەژێر سەرکردایەتیی ژیرەکەیدا؛ ئاسایش، ئاوەدانی و خۆشگوزەرانی بەرقەرار بێت و دەشڵێت، "چاوەڕوانی هاوکاریی زیاتر و کاری هاوبەشی نێوانمانین."
اهني وابارك لاخي العزيز صاحب السمو الشيخ محمد بن زاید آل نهيان لانتخابه رئيسا لدولة الامارات العربية المتحدة، راجيا لسموه التوفيق والسداد في مهامه، ولشعب الامارات الشقيق دوام الامن والرفاه والازدهار في ظل قيادته الحكيمة، متطلعا الى المزيد من التعاون والعمل المشترك بيننا.
— Nechirvan Barzani (@IKRPresident) May 14, 2022
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ