رووداو دیجیتاڵ
گوتەبێژی پۆلیسی راپەڕین بە رووداوی راگەیاند، تەرمی هاونیشتمانییەک گەیێندراوەتە نەخۆشخانەی قەڵادزێ و دەرکەوتووە کە " پۆلیسێکی بەرگریی فریاکەوتن بە گوللـەی کڵاشینکۆڤ کوژراوە."
شەوی هەینی 15-7-2022، شۆڕش ئیسماعیل، گوتەبێژی پۆلیسی راپەڕین بە تۆڕی میدیایی رووداوی راگەیاند، کەمێک پێش ئێستا لە گوندی تووەڕەشان-ی سەر بە ناحیەی هەڵشۆ "هاونیشتمانییەک بەناوی (م. م.ر) لەدایکبووی ساڵی 1982 پیشەی پۆلیس لە بەرگریی فریاکەوتن کوژراوە."
گوتەبێژی پۆلیسی راپەڕین دەڵێت، "شوێنەواری گوللـەی جۆری کڵاشینکۆف بە سەرییەوە دیارە و لە دادپزیشکی توێکاریی بۆ تەرمەکەی دەکرێت."
پۆلیسی راپەڕین گوتی کە دوای رووداوەکە هێزەکانیان گەیشتوونەتە شوێنی رووداوەکە و دواتر زانیاریی لەبارەی هۆکاری رووداوەکە بڵاودەکەنەوە.
گوتەبێژی پۆلیسی راپەڕین ئاماژە بەوە دەدات کە "بە دڵنیاییەوە رووداوەکە تاوانکارییە و لە لێکۆڵینەوەداین تاوەکو بزانین تۆمەتباری رووداوەکە کێیە، بۆ ئەوەی بە زووترین کات دەستگیری بکەین."
رۆژی پێنجشەممە 14-7-2022 لە قەڵادزێ هاونیشتمانییەکی تەمەن 48 ساڵ بە تەزووی کارەبا گیانی لەدەستدا. کە بە گوتەی هاوژینەکەی "لەماڵەوە سەرقاڵی چاککردنی پلاکێک بووە و دواتر دەستی بەر تەزووی کارەبا کەوتووە و دەستبەجێ گیانی لەدەستداوە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ