رووداو دیجیتاڵ
بەڕێوبەرێک لە بانکی پیشەسازیی پارێزگای سلێمانی دەڵێت، لە مانگی داهاتوودا مووچەی خانەنشینیی مەدەنی بە شێوەی کارتی ئەلیکترۆنی دەبێت.
رۆژی سێشەممە، 24-1-2023، پەروین غەریب، بەڕێوەبەر لە بانکی پیشەسازیی سلێمانی بە تۆڕی میدیای رووداوی راگەیاند، لە مانگی داهاتووەوە مووچەی خانەنشینیی مەدەنی، هاوشێوەی خانەنشینیی مامۆستایان و فەرمانبەران بە شێوەی کارتی ئەلیکترۆنی دەبێت و مووچەکانیان لە بانکی پیشەسازی دەگوازرێتەوە بۆ تێرمیناڵی شارەزوور.
بەڕێوەبەرایەتیی گشتیی خانەنشینی هەرێمی کوردستان، 15 فەرمانگەی هەیە.
لەشکری ئیبراهیم، جێگری بەڕێوەبەری گشتیی خانەنشینیی هەرێمی کوردستان بە تۆڕی میدیایی رووداوی گوت: "هەموو لایەنە پەیوەندیدارەکان لەسەر هێڵن بۆ ئەوەی ئەمساڵ مووچەی خانەنشینان بکرێتە ئەلیکترۆنی و بەگوێرەی پلانەکانمان ئەمساڵ پڕۆسەکە تەواو دەبێت."
رۆژی 29 و 30ـی ئاداری 2022، لە سلێمانی لە کاتی دابەشکردنی مووچەی خانەنشینی؛ سێ خانەنشین بەهۆی قەرەباڵخییەوە گیانیان لەدەستدا.
بۆ چارەسەرکردنی قەرەباڵخی و رێکخستنەوەی دابەشکردنی مووچەی خانەنشینان، حکومەتی هەرێمی کوردستان پلانی داناوە سیستمی دابەشکردنی مووچەی خانەنشینان بکرێتە ئەلیکترۆنی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ