هەڵەیەک روویدا! دووبارە هەوڵبدە
رووداو دیجیتاڵ
وەزارەتی پەروەردەی حکومەتی هەرێمی کوردستان بڕیاریدا پێنج نمرە وەک (نمرەی بڕیار) بداتە سەرجەم قوتابییانی پۆلی 12ی ئامادەیی، ئەوەش بە مەبەستی سوودمەندبوون و بەدەستهێنانی مافی بەشداریکردن لە تاقیکردنەوە گشتییەکان.
بەپێی فەرمانێکی وەزاری، کە واژۆی ئالان حەمەسەعید، وەزیری پەروەردەی لەسەرە و رۆژی 3-5-2026 دەرچووە، لەسەر پێشنیازی لیژنەی باڵای تاقیکردنەوە گشتییەکان بڕیاردراوە بە: "پێدانی پێنج نمرە بۆ سەرجەم قوتابییانی پۆلی 12ی ئامادەیی بە هەموو بەشەکانییەوە (ئاسایی و دەرەکی)."
نوورەدین عوسمان، بەڕێوەبەری گشتیی ئەزموونەکان لە وەزارەتی پەروەردە بە تۆڕی میدیایی رووداوی راگەیاند: "ئەو پێنج نمرەیە بۆ هەموو قوتابییانی پۆلی 12ـیە. قوتابییان تاقیکردنەوەکانیان کردووە و سبەی دوایین تاقیکردنەوە دەکەن، چونکە دواین وادە 4ـی ئایار بوو بۆ هەموو قوتابخانەکان".
لەبارەی چۆنیەتی سوودمەندبوون لەو نمرانە، بەڕێوەبەری گشتیی ئەزموونەکان: دەڵێت "هەر قوتابییەک پێنج نمرەی بۆ هەژمار دەکرێت و بەپێی پێویستیی وانەکان بۆیان دابەش دەکرێت، تاوەکو بتوانن مافی بەشداریکردنیان لە تاقیکردنەوە گشتییەکاندا (وزاری) هەبێت."
بە گوتەی نوورەدین عوسمان، هەر قوتابییەک لە سێ وانە زیاتر بکەوێت، ناتوانێت تاقیکردنەوەی وزاری بکات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ