هەڵەیەک روویدا! دووبارە هەوڵبدە
رووداو- هەولێر
دەزگای دەرمان و خۆراکی ئەمریکی رێنمایی نوێ لەبارەی خواردنی ماسی لەماوەی دووگیانی و شیردان دەردەکات و دەڵێت پێویستە خانمان لە ماوەییەدا خواردنی ماسی فەرامۆش نەکەن.
د. سوزان ماینی، بەڕێوەبەری سەلامەتی خۆراک، لە دەزگای خۆراک و دەرمانی ئەمریکی دەڵێت: ماسی خۆراکێکی تەندروستە و پێشووتر دەرکەوتوبوو، خواردنی ماسی لەماوەی دووگیانی و شیردان سەلامەت نییە، بەوپێیەی ماددەی جیوەی تێدایە، ئەمەش ئێستا وایکردووە خانمانی دووگیان بەتەواوی لە خواردنی دووربکەونەوە.
لە رێنمایینامە نوێیەکەی دەزگا ئەمریکییەکە هاتووە، خانمانی دووگیان و شیردەر دەبێت ماسی لە ژەمە خۆراکییەکانیاندا هەبێت، چونکە ماسی سەرچاوەیەکی باشی پرۆتین، ئۆمێگا 3 و ڤیتامین B12 و Dیە هەروەها بە ئاسن و کانزا گرنگەکانی وەک سیلینیۆم، زینک و ئایۆداین دەوڵەمەندە.
بەڕێوەبەری سەلامەتی خۆراک لە دەزگا ئەمریکییەکە روونیدەکاتەوە، ئامانجیان ئەوەیە هانی خانمان بدەن زیاتر بایەخ بە خواردنی ماسی بدەن و هەوڵبدەن ئەو جۆرانەی ماسی هەڵبژێرن کە سەلامەتە بۆیان.
پزیشکانی دەزگای خۆراک و دەرمانی ئەمریکی رێنماییدەدەن خانمانی دووگیان و شیردەر هەفتانە دووجار ئەو ماسییانە بخۆن کە کەمترین بڕی جیوەیان تێدایە وەک ساردین و سەلەمون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ